"Табигатьне саклау – кеше турында кайгырту!"

Зәй муниципаль районында һәр ел апрель һәм май айларында шәһәребезне санитар чистартуга юнәлтелгән экологик икеайлык үткәрелә. 3 нче гомуми белем бирү мәктәбендә 1 нче апрельдән мәктәп яны территориясен чистарту эше башлады. Ике ай дәвамында мәктәп хезмәткәрләре һәм укучылары мәктәп ишегалдын, чәчәк түтәлләрен чистарталар, мәктәп тирәсендә чүп-чар һәм сынган ботакларны җыялар. Чистарту шулай ук мәктәп каршындагы паркта башкарылды. Бу ике ай эчендә төрле экологик чаралар үткәрелә. 15 нче апрельдә 3 нче мәктәптә макулатура җыю кампаниясе игълан ителде. Укучылар һәм мәктәп хезмәткәрләре якынча 200 килограмм макулатура җыеп тапшырдылар. Экологик акция ике ай буе дәвам итә. Димәк, табигатькә, әйләнә-тирә мохиткә һәм кешеләргә ярдәм итүгә юнәлтелгән вакыйгалар һәм чаралар дәвам итә. 3 нче гомуми белем мәктәбе шәһәрдә яшәүчеләрне экологик икеайлык чарада катнашырга, экологик мәдәниятне күтәрергә чакыра, чөнки әйләнә-тирә мохит һәм табигать торышы, туган шәһәребезнең чисталыгы шәһәрдәшләребездән тора!