Район мәгариф системасының төп юнәлешләре буенча җитәкчеләр киңәшмәсе узды

Бүген 4 нче мәктәптә район башлыгы Разиф Гали улы Кәрим улы һәм район Башкарма комитеты җитәкчесе Эмиль Эдуард улы Галиев катнашында Зәй муниципаль районы мәгариф системасының төп юнәлешләре буенча эшне оештыру темасына район мәгариф оешмалары җитәкчеләре киңәшмәсе узды. Төп доклад белән мәгариф идарәсе башлыгы Э.Р. Сәфәргалиев чыгыш ясады. Укучыларны укытуны һәм тәрбияләүне оештыру һәм 4нче мәктәптәге казанышлар турында мәктәп директоры А.Р. Ларина сөйләде,үзләренең эш тәҗрибәсе, балалар бакчасындагы эш нәтиҗәләре һәм мәктәпкәчә учреждениеләр педагогларына адреслы методик ярдәм күрсәтү буенча "Уймак кыз" балалар бакчасы мөдире Т. Г. Королева уртаклашты, сәләтле балалар белән эшләү системасы турында балалар иҗат Йорты директоры В.П. Куликова таныштырды. Киңәшмәгә йомгак ясап, район башлыгы Р.Г. Кәримов педагогик берләшмә алдындагы бурычларны билгеләде, уку елын уңышлы тәмамлау, Җиңү көненә багышланган чараларга аеруча ныклап әзерләнергә кирәклегенә басым ясады.