Зәйдә «Җиңү диктанты» өчен икенче мәйданчык ачылачак

26 апрельдә зәйлеләр ике мәйданчыкта Бөтенроссия тарихи диктантын язачак. Традиция буенча, Зәй районында "Җиңү диктанты" 6 нчы мәктәп базасында уза иде. Быел тарихи акция өчен үз мәйданчыгын Зәй политехник көллияте дә бирәчәк. Үзең өчен уңайлы мәйданчык сайлар өчен, диктантпобеды.рф сайтында теркәлергә һәм «диктант географиясе» бүлегендә кирәкле адресны табарга кирәк. "Җиңү диктанты" сугыш тарихы, аның геройлары һәм Җиңү көне белән бәйле сораулардан тора. "Әгәр кемдер үз җиңүенә шикләнә икән, кирәкле җавап таба алмаса, иң мөһиме Бөек Ватан сугышы темасына кызыксыну кала, ә белемнәрне һәрвакыт тулыландырырга, тикшерергә мөмкин», - дип саный акцияне оештыручылар. Зәйлеләр һәрвакыт Бөтенроссия тарихи диктантында кызыксынып катнашалар. «Бердәм Россия» партиясенең җирле бүлеге коллективы да акциядә даими катнашучыларның берсе. Белешмә: «Бердәм Россия» партпроекты «Тарихи хәтер» 2019 елдан Россия тарихи җәмгыяте һәм Россия хәрби-тарихи җәмгыяте белән берлектә «Җиңү диктантын» үткәрә.