Район башлыгы авыл хуҗалыгы бүлекчәләрендә булды

Бүген район башлыгы Р.Г. Кәримов катнашында авыл хуҗалыгы идарәсе, агрофирма белгечләре белән берлектә районның авыл хуҗалыгы бүлекчәләрендәге эш торышы белән таныштылар. Беренче булып Югары Лоҗы авылы янындагы "Зәй" агрофирмасында арпа чәчүне карадылар. «Зай» агрофирмасы «Аксар» бүлекчәсе һәм Александр Бистәсе авылындагы "Союз Агро" ҖЧҖ горчица чәчүгә керештеләр. Бүгенге көндә авыл хуҗалыгы культуралары 210 гектарга чәчелгән инде, яхшы оештырылган эш кыска вакыт эчендә авыл хуҗалыгы культураларын чәчүне тәмамларга мөмкинлек бирәчәк. Якын арада җылы һәм коры һава торышы көтелә. Чәчү бер үк вакытта минераль ашламалар кертеп, киң кулланыштагы заманча комплекслар белән алып барыла. Быел язгы кыр эшләренә 310 трактор җәлеп ителәчәк, шуларның 51е –куәтле тракторлар, 15 заманча чәчү комплексы, шикәр чөгендере чәчү буенча 36 агрегат бар. Язгы кыр эшләрендә 500 механизатор катнашачак. Аграрийларның кәефе яхшы, язгы кыр эшләре нәтиҗәләре буенча 200дән артык механизаторга эштәге яхшы күрсәткечләре өчен бүләк каралган. Механизаторларның уртача хезмәт хакы 2023 ел белән чагыштырганда 20% ка артачак. Белгечләр шулай ук уҗым культуралары чәчүлекләренең торышын тикшерделәр. Аларның фикеренчә, көзге культуралар кышны әйбәт уздырган, хәзерге вакытта чәчүлекләр яхшы хәлдә. Бүгенге көндә көзге бодай һәм арыш 13 мең гектарга тукландырылган, бу планның 75% тәшкил итә. Алдагы көннәрдә көзге культураларны тукландыру тәмамлана.