«Дуслык сыйныфы серләре» республика ата-аналар комитетлары конкурсының ярымфинал нәтиҗәләре

12 апрельдә Сарман районында ата-аналар комитетларының «Дуслык сыйныфы серләре» республика конкурсының ярымфиналы узды. Иң яхшы булу хокукы өчен республикабызның 9 районыннан: Актаныш, Баулы, Зәй, Мамадыш, Менделеевск, Минзәлә, Балык Бистәсе, Ютазы районы командалары көч сынашты. Жюри командаларны 3 конкурс заданиесендә бәяли:Визитка; «Бөек сугыш - Бөек Җиңү» иҗади номеры; «Бердәм тәрбия мохите: ата-аналар, балалар һәм тәрбия буенча киңәшче» иҗади проекты. Барлык конкурс биремнәре нәтиҗәләре буенча 4 нче урта гомуми белем бирү мәктәбе командасы 1 нче урынны алды һәм хәзер конкурс финалында Зәй районы исеменнән чыгыш ясаячак.