Зәй районының эшсезләр төркеме бушлай "ЭВМ операторы» һөнәрен үзләштерде

16 сентябрьдә «Электрон исәпләү һәм хисаплау машиналары операторы» һөнәре буенча 10 эшсез гражданга һөнәри белем бирү төгәлләнде. Укулар «Зәй шәһәре халыкны эш белән тәэмин итү үзәге» дәүләт казна учреждениесе юнәлеше буенча үткәрелде. Укытуны оештыручы - «Эрудит-Селдом» өстәмә белем бирү хосусый белем бирү учреждениесе (Яр Чаллы шәһәре). Уку вакыты 1 ай иде. Курсны тыңлаучылар финанс грамоталылыгы һәм информатика нигезләрен өйрәнделәр, MS Office-ның төп программаларында гамәли күнекмәләрне үзләштерделәр. Укытуда «Интернет» челтәрендә эшләүгә аерым игътибар бирелде: кирәкле мәгълүмат эзләү, дәүләт хезмәтләрен күрсәтүче порталлар белән эшләү. Квалификация имтиханы нәтиҗәләре буенча курс тыңлаучылары «3 разрядлы ЭВМ операторы» һөнәре турында таныклык алдылар.