«Мәктәпкә җыенырга ярдәм ит!» акциясе рамкаларында беренче сыйныф укучыларына мәктәп портфельләре тапшырылды

Бүген 7 нче урта мәктәпнең актлар залында район башлыгы Разиф Кәримов катнашында, булачак беренче сыйныф укучылары өчен бәйрәм булды. Акциянең максаты авыр тормыш хәлендә калган гаиләләргә ярдәм итү. Бу уку елында беренче сыйныфка 645 бала барачак. Шуларның 150е бүген район җитәкчеләре кулыннан беренче мәктәп портфелен алды. Гадәттәгечә акциягә предприятие, оешма һәм учреждение җитәкчеләре һәм хезмәткәрләре дә кушылды. Алар арасында «Татэнерго» филиалының - Зәй ГРЭСЫ, «РИТЭК» ҖЧҖ, Зәй шәһәренең «Завод Техно» ҖЧҖ филиалы, шулай ук шәһәр һәм район депутатларыда бар иде. Разиф Галиевич үз чыгышында акциядә актив катнашканнарның барысына да рәхмәтен җиткерде. Ул билгеләп үткәнчә, районның мәгариф учреждениеләрендә сыйфатлы белем алу өчен барлык шартлар тудырыла. Агымдагы елда белем бирү оешмаларында капиталь һәм агымдагы ремонт ясау һәм хәрби хезмәт нигезләре курсының укыту-матди базасын камилләштерү өчен, Зәй муниципаль районының гомуми белем бирү оешмаларында җирле бюджеттан акча бүлеп бирелде. Беренче сентябрь алдыннан балаларга, ата-аналарга, укытучыларга сәламәтлек һәм укуларында уңышлар теләделәр.