2034 елга кадәр Зәй шәһәрен җылылык белән тәэмин итүнең актуальләштерелгән схемасын раслау турында

“Җылылык белән тәэмин итү турында” 2010 елның 27 июлендәге 190-ФЗ номерлы Федераль закон, Россия Федерациясе Хөкүмәтенең "Россия Федерациясендә җылылык белән тәэмин итүне оештыру һәм Россия Федерациясе Хөкүмәтенең кайбер актларына үзгәрешләр кертү турында" 2012 елның 08 августындагы 808 номерлы, «Җылылык белән тәэмин итү схемаларына, аларны эшләү һәм раслау тәртибенә таләпләр турында» 2012 елның 22 февралендәге 154 номерлы карарлары нигезендә, Татарстан Республикасы Зәй муниципаль районының Зәй шәһәре Уставына таянып, Зәй шәһәре башкарма комитеты

карар бирә:

1. 2034 елга кадәр Зәй шәһәрен җылылык белән тәэмин итүнең актуальләштерелгән схемасын кушымта нигезендә расларга.
2. "2034 елга кадәр Зәй шәһәрен җылылык белән тәэмин итүнең актуальләштерелгән схемасын раслау турында" 2019 елның 20 июнендәге 148 номерлы Зәй муниципаль районының Зәй шәһәре Башкарма комитеты карары үз көчен югалткан дип танырга.
3. Карарны массакүләм мәгълүмат чараларында бастырып чыгарырга һәм Зәй шәһәренең җылылык белән тәэмин итү схемасын Зәй муниципаль районының рәсми сайтында билгеләнгән тәртиптә урнаштырырга.
4. Әлеге карарның үтәлешен контрольдә тотуны үз җаваплылыгымда калдырам.

Башкарма комитет

җитәкчесе                                                           Р.Р. Садртдинов