ЯҢАЛЫКЛАР

Зәйдә Ринат Фәрдиев исемендәге паркта оештырылган физкультурачылар көне чын-чынлап бар халыкны спорт белән шөгыльләнүгә өндәүче бәйрәм төсен алды. Бер урында төрле үлчәү категориясендә көрәшчеләр көч сынашса, икенче урында кул көчен сынарга теләүчеләр армрислингта ярышты.

Районда булган барлык агрофирмалар да язгы һәм көзге чәчү чорында өстенлекле бәя белән төрле төрдәге ашлама, орлык, ягулык материаллары һәм гербицитлар алалар.

Зәйдә игенчеләрне һәр минутның кадерен белеп эшләргә өндәү, авыр хезмәттән ял иттерү максатында мәдәният идарәсенең автоклуб хезмәткәрләре кырларга игенчеләр янына чыгып концерт программалары оештыра. Төшке аш вакытында авыл хуҗалыгы хезмәтчәннәре җыр, биюләр карап ял итә.

Бүген Зәйнең 35нче кварталы күпкатлы йортлар ишек алларының берсендә "Президент белән бергә" яшьләр мәйданчыгы эшләде. Район яшьләр эшләре идарәсе белгечләре, "Яшь гвардияче"ләр якын-тирәдә яшәүче кешеләрне, балаларны мәйданчыкка чакырып сәламәт яшәү рәвеше алып баруга өндәде.

“Зәй шикәре” агрофирмасы:
- Михаил Никандров- “Нью-Холланд” комбайнында 278 гектардан 686 тонна икмәк суктырып алды;
- Шәйхенур Миннекаев – Шулай ук “Нью – Холланд” комбайнында 260 гектардан 638 тонна икмәк суктырды;
“Восток” агрофирмасы:
- Дамир Шәйгарданов – “Акрос” комбайны белән 669 тонна икмәк суктырды;

Һәр елдагыча, быел да Зәй районының Ал.Бистәсе авылында 9 августта кичке сәгать 5тә “Алма спасы” бәйрәме үткәрелә. Җирлекнең үзенә генә хас бәйрәме, дини традицияләрне дә саклап, елдан-ел матуррак, үзенчәлеклерәк итеп үткәрелә. Аны җирлек халкы гына түгел, күрше-тирә авыллар да көтеп алып, бәйрәмдә теләп катнаша

1 августта Зәй шикәр заводында төзекләндерү эшләре тәмамланды. Предприятиене үзгәртеп коруда күп эш эшләнде. Шуларның берсе чөгендер кабул итү кырында актив рәвештә җилләндерү проекты. Рафинад линиясен җибәрү дә күздә тотыла.

Игеннәрне урып җыю һәм уртача уңыш алу буенча районыбыз игенчеләре дүртенче урында. Бүгенгесе көнгә 40 процент күләмендә игеннәр җыеп алынды. Барлыгы 43632 тонна икмәк кабул итү пунктларына тапшырылды.

Универсаль спорт мәйданчыклары төзү буенча республика президент программасы кысаларында бүген Зәйдә тагын бер баскетбол мәйданчыгы ачылды. Заманча таләпләргә яраштырып ясалган мәйданчык Иске Зәй бистәсендә 1нче мәктәп ишегалдында урнашты. Бу - әлеге мәктәп территориясендә республика программасы буенча төзелгән икенче спорт мәйданчыгы

8 августта Р.Ш. Фәрдиев исемендәге ял паркында зәйлеләр матур спорт бәйрәмендә күңел ачачаклар, спорт уеннарында катнашып призлар һәм акчалата премияләр дә алачаклар. Тамашачылар көчле зәй батырлары көрәшен генә карап калмыйча,үзләре шахмат-шашка турнирында көчләрен сынаячак.