ЯҢАЛЫКЛАР

Үзәк китапханә проекты кысаларында, халык өчен "Әдәби ишегалды" бәйрәмнәре үткәрелә . Шундый бәйрәмнәрнең берсе 13 август көнне 17.00 сәгатътә, Ленин урамының 29 йорты каршында үтте.

12 августта, “Энергетик” мәдәният сарае мәйданында халык – ара яшьләр көненә багышланган “Зәй яшьләре тынычлык һәм дуслык өчен!” дип исемләнгән иҗат фестивале булып үтте.

Бүген Зәйгә Татарстан Республикасы хезмәт, мәшгульлек һәм социаль яклау министры урынбасары Клара Таҗетдинова эш сәфәре белән килде. Ул райондагы мәшульлек үзәге һәм социаль яклау идарәсенә караган учреждениеләрдә булып, алар эшчәнлеге белән танышты, социаль хезмәтләрдән файдаланучы зәйлеләр белән аралашты.

Борынгы традицияләрне торгызу йөзеннән үткән якшәмбе көнне Куш Елга авылында “Ашыт җыены” үтте. Әлеге бәйрәм Куш Елгада инде өченче ел үткәрелә. Тантанага бик күп кунаклар һәм авылдашлар җыела. Бу юля да бәйрәмгә 360 тан артык кеше җыелды.

Районыбыз игенчеләрен дәртләндерә торган җырларны һәм теләкләрне автоклуб хезмәткәрләре җиренә җиткереп башкара. Иҗат десанты механизаторлар төшке ашка туктагач төшә. Үзешчән сәнгатьтә катнашучылар үзләренең башкарган җырлары һәм урактагыларга теләгшән теләкләре белән яңа хезмәт уңышларына дәртләндерәләр

Район басу-кырларында трактор һәм комбайн гөрелтесе туктап тормый. Бүгенгесе көндә район буенча 23,4 мең гектарда игеннәр җыеп алынган. Ул планга карата 58 процент тәшкил итә. 62 мең тонна икмәк суктырылган. Уңыш һәр гектардан 26,5 центнер тәшкил итә.

Зәй төбәге үзенең хезмәт сөючән халкы белән горурлана.Тикмәгә генә Зәй районында 2015 ел- Хезмәт кешесе Елы дип игълан ителмәде. Кеше һәр яктан да үссен дисәк, аңа киләчәк турында күбрәк сөйләргә кирәк

12 август көнне үзәк китапханәдә халык-ара яшләр көненә багышланган “Без Татарстан яшьләре” дигән кичә үтте. Кичә барышында алып баручы Яшьләр көненең килеп чыгуы турында аңлатып китте. Күп кенә Казан шәһәрендә үткән чараларның халыклар дуслыгын ныгытуга тәэсире турында сөйләп китте.

Бүгенге көндә Зәй комбайнчылар арасында лидерлыкны “Зәй шикәре” агрофирмасыннан Михаил Никандров тота. Ул «Нью-Холланд» комбайны белән 929 тонна ашлык суктыруга иреште. Икенче урында - әлеге агрофирмадан Дамир Баһаутдинов. Ул 214 гектар мәйданннан 810 тонна ашлык суктырды. Өченчедә - Шәйхенур Миннекәев ул 802 тонна ашлык суктыруга иреште.

19 авгут көнне Ал. Слобода авылы җирлегендә традицион Алма спасы бәйрәме үткәрелә. Бәйрәм программасына: фольклор коллективлар чыгышы, сабын куыгы шоу программасы, юбилярларны һәм озак яшәүчеләрне котлау, иң яхшы чәчәк клумбасы, оригиналь пирог, татлы ризык һәм эчемлекләр, алмадан декоратив композицияләр, частушкалар, “Игезәкләр “ бәйгесе җиңүчәләрен котлаулар һәм бүләкләүләр булачак. Бәйрәм кичке сәгать 5 тә башлана.