ЯҢАЛЫКЛАР

7-9 август көннәрендә Менделеевск шәһәрендә бил көрәше буенча Ибраһим Миндар улы Галимов истәлегенә багышланган республика турниры булып үтте. Ярышларга төрле яшьтәге көрәшчеләр чакырылган иде. “Зәй” яшьүсмерләр спорт мәктәбе спортчысы Екатерина Бусова җиңүгә омтылыш күрсәтеп турнирның җиңүчесе булды.

Районыбыз игенчеләре : арыш, көзге бодай һәм арпа культураларын җыеп алуны төгәлләделәр. Район буенча 70 процент игеннәр суктырып алынды. Уңыш һәр гектардан 26,9 центнер тәшкил итә.Бу республикада 4 күсәткеч

Россиядә әдәбият елы. Зәйдә “Әдәби йорт” проектының бу сезонда соңгы чарасы үтте. Аны үзәк китапханә хезмәткәрләре оештырды. Кичәдә барлык килгән кеше катнаша ала. !3 августта Ленин урамының 29 йорты каршында оештырылган кичәдә китапка багышланган иде.

Тиздән, бик тиздән мәктәпләрдә яңа уку елы башлануын искәртеп, дәрескә дәшеп, беренче кыңгыраулар чыңлаячак. Тәүге мәртәбә белем йорты бусагасын атлап керүче беренчеләр өчен ул аеруча дулкынландыргыч. Быел районда 580 бала беренче сыйныфка укырга бара. Матур мәктәп формаларыннан, букчалар асып, беренче дәрескә килү көннәрен алар зарыгып көтә

16 августта Р.Ш. Фәрдиев исемендәге ял паркында шәһәр мәдәният йорты талантлары концерты булды. Концерт “Хөрмәтебез якташларга!” дип аталды һәм Россиядә әдәбият елы, Зәй районында Хезмәт кешесе Елына багышланды.

М. В. Ломоносов исемендәге Мәскәү дәүләт университеты каршындагы фәнни-уку үзәге җитәкчесе Олег Морозов һәм район җитәкчелегенең ГРЭС хезмәт коллективы белән дә очрашу җылы, җанлы узды. Район җитәкчелеге очрашуны ил өчен әһәмиятле эшкә - халыкны җылылык һәм электр энергиясе белән белән тәэмин итүгә багышлаган энергетикларга рәхмәт сүзе белән башлады.

14 август көнне туган якны өйрәнү музее янында иртәдән күңелле чуалыш, ыгы-зыгы булып алды. Балалар үзләренең ике аяклы җайдакларында “Истәлекле урыннар” дип исемләнгән велопроектта катнашу өчен җыелдылар.

14 август көнне “Мальвина” халык театры артистлары, халыкка социаль хезмәт күрсәтү үзәге хезмәткәрләре белән Кармалка сунарчылар хуҗалыгында мөмкинлекләре чикле балалар өчен игелекле чара үткәрделәр. Алар балаларга төрле уеннар, бәйгеләр үткәрделәр, цирк күренешләре күрсәттеләр.

Бүген Зәйгә М. В. Ломоносов исемендәге Мәскәү дәүләт университеты каршындагы фәнни-уку үзәге җитәкчесе Олег Морозов килде. Ул район җитәкчелеге белән берлектә “Мефро уилз Руссия – Зәй заводы” ААҖ ендә яңа җитештерү мәйданнары белән танышты, заводның киләчәк перспективалары белән кызыксынды, хезмәт коллективы белән очрашты.

“Ялта –Зәй” спортчылар әзерләү үзәгендә ирекле көрәш белән шөгельләнүчеләрнең әзерлек күнекмәләре башланды. “Зәй” яшьүсмерләр спорт мәктәбендә тәрбияләнүче көрәшчеләрне Рамиль Салихов һәм Ильнур Хузин әзерли.