3 нче апрельдә Яңа Чишмә районында “Без бергә” республика балалар халык иҗаты фестиваленең зона этабы узды. Конкурста төрле номинацияләрдә 95 бала көч сынашты. Анда вокал буенча Сарсаз-Баграж авылыннан Алексей Краснов, хореография буенча“Каприз” һәм “Счастье” балалар сәнгать мәктәбе коллективлары чыгыш ясады. 5 нче мәктәп укучысы Эльвира Минһаҗева нәфис сүз сөйләде. 2 нче мәктәп мода театры күрсәтте. "Талантлы гаилә" номинациясендә 6 нчы мәктәптән Петровлар гаиләсе катнашты. Аксар авылы мәктәбенең “Тау чишмәсе” халык уен кораллары ансамбле һәм татар гимназиясенең “Мирас” һәм "Азаль" ансамбльләре чыгышы тамашачы күңеленә хуш килде.